Дали некогаш ви се случило да се запознаете со мајката на мажот до себе и да забележите дека многу личите визуелно на неа? Причина за тоа има и таа е вкоренета во потсвеста на партнерот.
Научниците од Финска собрале 70 мажи и жени и ги споредиле лицата на партнерката со оние на нивните родители. Додека кај дамите не е утврдена сличност на партнерот со онаа на таткото, кај мажите е токму спротивното и често нивните сакани се помлади копии на нивните мајки, тврди Урсзула Марчинковска, психолог по човечката еволуција и еден од коавторите на студијата на Универзитетот Турку.
“Нема ништо чудно во тоа мажите да бидат привлечени од жени кои личат на нивните мајки. Причината е во еволуцијата и природната селекција кои ги програмираат мажите да бараат партнерки кои доаѓаат од нивната “група”. И бидејќи првиот контакт на мажот со човек од спротивниот пол е со неговата мајка, тоа се запечатува во мозокот и се претвора во матрица која тие ја следат “, објасни Марчинковска.
Интересно е дека кај претставничките на понежниот пол нема ваква зависност, па дури и на потсвесно ниво, тие не се под влијание во изборот на својата друга половина од тоа каков е нивниот татко.
Односот мајка-син не запира само кај изгледот. Психолозите од почетокот на времето се заинтересирани и излегуваат со различни теории за “Едиповиот комплекс” и неговите манифестации во современото општество и вистината е дека односите мајка-син вршат огромно влијание на целокупното разбирање за другиот пол кај мажот. Тоа го утврдува начинот на кој тој ќе се однесува со жените во иднина.
“Најдобрата основа за здрава врска е мажот да има блиски, но пријателски односи со мајка си. Ако нивната врска е нарушена одамна и жената е дистанцирана и брутална кон него, потоа по време и тој ќе се однесува така со останатите припаднички на понежниот пол и нема да биде сигурен, грижлив, љубовен и одговорен партнер “, рече уште Урсзула.