Речиси секое нешто има крај и наскоро тој ден може да дојде за американската воена доминација, пишува списанието “Економист”. Од изданието прецизираат дека САД се уште се најмоќната држава во однос на оружјето, но другите почнуваат да се израмнуваат. Вашингтон дејствува со претпоставка за супериорност на глобално ниво од крајот на Студената војна наваму, но оваа водечка позиција воено веќе не изгледа толку неразклатлива.Војната во Заливот во почетокот на 90-те ја покажа ефикасноста на хај-оружјето, користено од американската армија. Но, се разбира, со текот на времето тоа вооружување веќе е далеку од современото ниво.
Во последната деценија САД водеа битки во Ирак и Авганистан со бунтовници, далеку од највисоките технолигии. Во исто време потенцијалните непријатели како што се Кина, Русија и дури Иран и Северна Кореја регистрираат огромен напредок.
Кина е најголемата закана, загрижено признаваат стратезите отаде океанот. Војниците на азиската земја се повеќе од добро опремени. Пекинг изгледа решено да го зголеми своето влијание во регионот и дефинитивно ги насочува напорите да се ограничи присуството на американски трупи во близина на нејзините граници.
Прецизни далеко-борбени ракетни лансери, подморници и лобци од последната генерација, електронско и сајбер оружје за “заслепување” на американските комуникациски мрежи во светот – ова е само дел од овој арсенал на Кина. Пекинг прави сé , за да се отсече секој канал за евентуална воена интервенција од страна на Вашингтон во одредени зони.
За да се задржи воената доминација, Пентагон веќе најави програма за развој на нови оружја со најмодерните достапни технологии- вклучувајќи беспилотни летала, кои нема да бидат регистрирани од радарите. Како и подводни машини кои ќе работат самостојно, без потреба од екипаж.
Американското воено министерство работи и врз нови балистички ракети со широк домет кои ќе навлезат и во најсериозните заштити. Со не помал приоритет се и “егзотични” иновации како ласерски и електромагнетни оружја.
Се разбира, техничките пречки за постигнување на овие цели се огромни, но истото важи и за бирократијата. Конгресот и претседателската администрација секогаш забораваа на разликите кога станува збор за воен буџет и долгорочна стратегија. Но веќе не. Политичките интереси стојат над националните.
Што и да се случи, буџетот за одбрана нема да биде надуен којзнае колку. За да се најдат пари за следниот чекор напред, парите треба да дојдат од некаде на друго место. Како за почеток Конгресот може да му овозможи на Пентагон да ги затвори непотребни воени бази.
Потребно е и реорганизација на целокупната сет програма. Трошоците за еден војник во служба се зголемиле за цели 76% за последните 16 години. Ако продолжат со ова темпо, овие трошоци би влијаеле на целиот воен буџет во 2039-та година.
Топ командата исто така треба да го промените вашето размислување во однос на старото оружје. Генералите многу често се силно приврзани кон “играчките”, макар и корисно дејство на овие машини да паднало драстично. А трошоците за одржувањето растат пропорционално.
Само бирократските трошоци за година се десетици милијарди долари. Според “Економист” Пентагон треба да се насочи на стратегија, слична со онаа на инвеститорите во Силиконската долина – да бара цивилни технолошки компании, кои ќе развиваат вештачка интелигенција со роботи итн
А технолошкатапредност, како што покажува историјата, е клучна во борбата за превласт и одржувањето на редот и стабилноста во светот.