Парчиња од свадбените торти на неколку кралски семејства одат на аукција, а цената за нив се движи од 600 до 2000 долари.
Парчињата биле собирани од починатиот неодамнешен возач на кралицата Елизабета Втора Леонард Меси, кој ги чувал во нивната оригинална амбалажа, со која биле раздавани на гостите на свадбената прослава.
“Најсвежото” парче торта е од свадбата на принцот Вилијам и Кејт Мидлтон во 2011 година, а овошниот десерт се очекува да се продаде меѓу 600 и 800 долари. Меѓу колекцијата на Меси присуствува и парче од тортата на родителите на Вилијам – принцот Чарлс и леди Дајана, а тоа се очекува да собере помеѓу 1000 и 2000 долари.
Најстарото парче е од 1973 година, кога се одржа свадбата на принцезата Ана, единствената ќерка на Елизабета Втора, со првиот сопруг Марк Филипс. Тогаш целата свадбена торта била висока точно 168 см., колку што е висината и на самата принцеза.
Други парчиња на аукција се и делови од колачи на принцот Ендрју, вториот син на Елизабета Втора, и неговата веќе поранешна жена Сара Фергусон од 1986 година, како и од втората свадба на Чарлс со Камила Паркер од 2005 година.
Аукцијата ќе се одржи на 27 јуни во Беверли Хилс.