„Социјалдемократскиот сојуз на Македонија најостро го осудува упадот во просториите на редакцијата на порталот „Плусинфо“.
Овој кукавички чин, да се влезе во простории на медиум и да се изврши кражба на компјутери и фотографска опрема, како што извести порталот Плусинфо е тежок скандал што само покажува до кој степен е урнисана демократијата и е загрозена слободата и слободната мисла во Република Македонија.
Сериозниот инцидент што се случи во еден од малкуте критички медиуми во земјава, ја покажува огромната нервоза Никола Груевски и неговите соработници кои се соочени со вистината за сопственото криминално владеење и извесното заминување од политичката сцена.
Одговорност за упадот во медиумот мора да има, од нарачателите до извршителите. Потсетуваме на обврската на чесните професионалци во МВР за брза и транспарентна истрага“, стои во соопштението на СДСМ.