Боби Мојсовски, единствениот Македонец кој стигна до суперфиналето на „Икс фактор адриа“, го скрши мразот за натпреварувачите во Комбанк арената. Тој ја избра песната “Полско цвеќе“ од Тоше Проевски, и не изненади никого со својата точна изведба. Жирито секако му даде прекрасни коментари и му порача дека од почетокот знаеле дека тој заслужува да биде во финалето.
По првата елиминациона фаза Боби за втора песна ја избра „Show must go on“ од Kвин, тој доби повторно овации од публиката, но и комплименти од воодушевеното жири за снагата и професионалноста која ја покажал и покрај лошата здравствена состојба.
https://www.youtube.com/watch?v=21c_Hbk_-pA
Кога битката остана да се води помеѓу нашиот Боби и Амел, тој ја изведе рок баладата „Bed of Roses“ маестрално. Жирито не ги штедеше пофалбите и восхитот за неговиот гигантски глас.
https://www.youtube.com/watch?v=itEqoQLoKKE
Амел кога ја примаше наградата изјави дека не му се верува дека втор пат победува на вакво шоу и уште еднаш го поздрави Боби откривајќи дека тој сјајно отпеал и со бронхитис, а кој знае како ќе испеел да бил во полна сила.