Европскиот совет, кој ќе заседава денеска и утре во Брисел, нема да ја одобри предложената од Европската комисија шема за задолжително раселување на имигрантите во ЕУ. Такви се очекувањата пред дводневниот состанок на европските држави и влади.
Во проектот на заклучоците од самитот се истакнува дека и покрај тоа, земјите од ЕУ треба да покажат “солидарност и одговорност” за ова прашање. Предлогот на ЕК што предвидуваше задолжително раселување на околу 40 000 имигранти од Сирија и Еритреја запишани во Италија и Грција, ќе биде одбиена.
Се очекува Европскиот совет да препорача се изнајде до крајот на јули на “привремен и прекувремен” механизам за раселување. Предлогот на ЕК беше за афирмацијата на постојан механизам за прераспределбата на имигрантите.
Друг чекор ќе биде разгледување на единствен список со “сигурни земји на потекло” на имигрантите. Странците кои доаѓаат од држава од оваа листа, автоматски губат правото да добијат азил во ЕУ.
Европските лидери веројатно ќе дадат позитивно мислење за основање на центри во пограничните држави на ЕУ, каде брзо ќе се оценува секој мигрант дали има ли право да поднесе барање за азил и каде брзо да бидат донесени отпечатоци од кандидатите за добивање на статус.
Предвидено е земјите на надворешните граници на ЕУ да добијат дополнителна финансиска поддршка. Се очекува Европскиот совет да препорача сите држави од ЕУ да учествуваат во раселувањето на 20 000 бегалци запишани во земји надвор од Заедницата.
Лидерите на ЕУ се очекува да го поттикнат брзото спроведување на потпишаните договори за испраќање назад (реадмисија) на пристигнатите во Заедницата мигранти кон земјите од кои дошле, ако не добиле право на престој во Европа. Предвидено е да биде забрзано потпишувањето на договори за реадмисија со уште држави.
Ќе биде изразено инсистирање за примена на постојното европско законодавство за враќање на оние странци кои не одговорат на условите да останат во ЕУ. Одлуките за нивното враќање ќе треба задолжително да бидат заведени во Шенген информатичкиот систем. Предвидено е продлабочување на соработката на овие прашања со Турција, Ирак, Јордан и Либан.
Во агендата за утре се содржани прашањата за европската одбрана, а на седницата ќе учествува генералниот секретар на НАТО Јенс Столтенберг. Во проектот на заклучоците е вградено решение за зајакнување на европската одбранбена индустрија, за обезбедување на потребните средства за истражувања во оваа област, вклучително и преку фондовите на ЕУ.
Меѓу другите теми од дневниот ред се желбите на Велика Британија за промена на договорот за ЕУ, состојбата на еврозоната, дигиталната економија.