Будистите поседуваат посебна мантра на санскрит, составена од шест слогови, која е нешто како химна за нив и е света. Таа звучи како: “om mani padme hum” и преведена би требало да значи: “Еве! Бисерот во лотосот! “ .
Всушност овие зборови немаат точен превод, бидејќи нивното вистинско значење е многу различно. Точно преведување на мантрата нема, бидејќи таа ја содржи суштината на целото учење на Буда .
Оттука, изговарањето на оваа мантра заедно со бројаницата е меѓу најпопуларните религиозни практики во тибетскиот будизам. Во Тибет светите изреки “om mani padme hum” можат да бидат видени насекаде – на молитвени знамиња и молитвени “тапани”, испечатени на хартиени свитоци и врежани врз згради.
Мантрата исто така може да биде врежана или насликана врз карпи и камења во различни бои. Мани камењата, како што ги нарекуваат, се расфрлани на многу места низ Тибет – во близина на манастири, села, реки. Понекогаш тие се доведени заедно за да формираат могили.
Да се изрисува мантрата на камен се смета за форма на медитација, па затоа тоа го прават не само монасите, но и локални луѓе во Тибет. Големината на каменот Могилата „Jiana Mani“ во село Xinzhai, на пример, се зголемува постојано, токму затоа што многу луѓе ги испишале светите слогови.
Могилата има должина од 300 метри, ширина од 80 и висина – 4 метри. Се смета дека таа содржи повеќе од 2 милијарди Мани камења, наредени од верници во текот на 200 години. Тоа е најголемиот камен насип во светот .
Камења Мани во Индија; Фото: flickr.com
Камењата Мани можат да бидат видени и во соседните на земји – Непал и Бутан , каде будизмот е исто така широко распространет. Такви има и околу манастири во Индија .
Влезете во нашата галерија и проверете ги најубавите свети камења на будистите.