Полицијата во Рим фати либанска туристка како гравира иницијали врз ѕидот на историскиот споменик во римската престолнина, соопштува “The local”.
22-годишната жена била уапсена и потоа казнета со 14 000 фунти, бидејќи врежала иницијали со монета на Колосеумот.
Ова е последниот, но ни од далеку не единствениот инцидент со непослушни летувалци кои често вршат вандалски акти врз туристичката атракција. Во март две Калифорнијки меѓу 21 и 25 години беа уапсени, откако ги врежале првите букви од имињата на ѕид од западната страна на Колосеумот, кој се посетува од повеќе од пет милиони туристи годишно.
Во ноември минатата година 42-годишен Русин беше казнет со 20 000 долари и 4 месеци условно затвор повторно за испишување на буквата “К” на ѕидот на античкиот амфитеатар.
Претходно минатата година 15-годишно Канаѓанче беше фатено како се обидува да украде камен од околу 2.000 години.