Помошникот на Владимир Путин Андреј Белоусов изјави дека обемот на руските девизни резерви не дозволува интервенции во корист на стабилен курс на рубљата и единственото оружје за ова останува дефинирање на основната камата од Централната банка, соопшти РИА “Новости”.

Според изнесените од Белоусов податоци девизните резерви на Русија во  моментов се 300 милијарди долари, но од нив 120 милијарди се залихи на владата, држен во Резерва фонд и Фонд на “Национално богатство”. Останатите средства можат да стигнат за девет месеци увоз на повеќето неопходни за земјата стоки.

Затоа повеќе не е можно да се излеваат девизни средства, за да се задржи курсот на руската валута. Денес падот на рубљата помина уште една психолошка граница и едно евро се разменувале за над 73 рубљи. На крајот на денот беше одреден официјален курс на рубљата за утре од 72.95 рубљи за едно евро и 65.94 рубљи за еден долар. Ова е најниско ниво на рубљата од февруари оваа година.

Во меѓувреме Владимир Путин разговараше со премиерот на земјата Дмитриј Медведев, како едно  од главните прашања беше токму девизниот курс. Според рускиот претседател, Владата постојано ги  надгледува случувањата на девизниот пазар и  ги презема потребните мерки.