ДОМ го поздравува враќањето на коалицијата на СДСМ во Парламентот, зашто само со комплетен Парламент може на мирен начин да се излезе од кризата. Сега е на потег мнозинството, за да се реализираат следните чекори од договорот во Пржино.
Пратеничката од ДОМ, Лилјана Поповска, ќе продолжи да дејствува со јасни позиции, со кои партијата како самостоен субјект истапи од владината коалиција. Инаку, таа во целиот претходен период на коалицирање дејствуваше како независна пратеничка и никогаш не беше дел од пратеничката група на ВМРО-ДПМНЕ.
Затоа беше против законите за високо и средно образование, за урбанизам и просторно планирање, за уставно дефинирање на вонбрачната заедница итн., а предлагаше закони за градски архитект, за зеленило, за една изборна единица, за заштитен сведок, за амнестија на 15.000 осудени социјалци и др.