Русија организира за првпат воена парада, за да го одбележи заземањето пред 70 години на група острови во Тихиот Океан, за кои уште спори со Јапонија.
“Ројтерс” коментира дека Москва никогаш досега не покажала сила на овој начин и тоа може да предизвика тензии во односите со Токио.
Освен тоа парадата на островот Сахалин се вклопува во серијата демонстрации на воени способности од страна на претседателот Владимир Путин во време кога односите на Русија со Западот се на најниската точка во последниве децении поради улогата во конфликтот во Украина.
Околу 700 војници, 24 тенкови и оклопни возила и 14 хеликоптери преминаа во средата во центарот на Јужносахалинск, а поворката беше пренесувано на националната телевизија. Во публиката ветерани и граѓани со цвеќиња беа на бината да го одбележат она што Москва нарекува “ослободување на Сахалин” и блиските Курилските Острови од Јапонија во 1945 година (Јапонците ги нарекуваат “Северни територии”.)
Хокаидо – Најблискиот од најголемите јапонски острови, се наоѓа само на 40 километри јужно од богатиот со нафта и со природен гас остров Сахалин.
Споровите со Токио за островите, кои Русите нарекуваат Курилските, се најдоа во границите на поранешниот СССР и се причина и до денес да нема потпишан мировен договор меѓу двете страни. По посетата во август на премиерот Дмитриј Медведев на остров Итуруп министерот за надворешни работи на Јапонија Фумио Кишида ја одложи посетата на Русија.
Путин вели дека е подготвен на дијалог за спорните острови, но го обвинува Токио во недостаток на желба за тоа.
Во меѓувреме Русија крева во регионот одбранбени капацитети и упатува претензии кон потенцијалните наоѓалишта на морското дно во централниот дел на Охотско Море.
Парадата беше организиран часови пред пристигнувањето во Пекинг на претседателот Владимир Путин за прославите и невообичаено големата воена парада по повод крајот на Втората светска војна на 2 септември 1945 година
Ниту една западна држава не испрати своја делегација на високо ниво.
Пред посетата Путин повторно рече дека има обиди да се искривува историската вистина во Азија и Европа за улогата на Москва во поразот на Германија и Јапонија пред 70 години.