Samsung официјално го претстави својот нов смарт-часовник – Gear S2. Ова е првиот “паметен” часовник на Samsung со кружен дисплеј. Исто како и неговиот претходник Gear S2 работи под оперативниот систем Tizen.
Карактеристиките се тркалезна рамка, која се врти и се користи за контрола на некои од карактеристиките и две физички копчиња, кои ќе служат како Home и Back копчиња. Новиот Samsung часовник е достапен во две варијанти: Gear S2 и Gear S2 Classic.
Gear S2 ќе се нуди во темна и сребрена боја со бела лента. Gear S2 Classic ќе се нуди во црна боја со кожен затворач. Екранот е направен под Super AMOLED технологија, а неговата резолуција е 360 x 360 точки. Уредот користи dual-core процесор на 1.0 GHz, има 512 MB RAM и 4 GB внатрешна меморија. Доаѓа со IP68 сертификат за отпорност на вода и прашина.
Gear S2 ќе може да се користи за гласовни повици, но само во Кореја и САД. Апликациите кои однапред се инсталирани, се: S Health, Nike + Running, S Voice, Weather, Calls, Contacts, Notifications, Messages, Email, Maps & Navigation, Music Player, има и широк спектар на “лица” на часовникот. Батеријата е со капацитет од 250 mAh и според инженерите на Samsung треба да издржува 2-3 дена умерена употреба.Цените сѐ уште не се познати,а ниту достапноста.