Руската армија ги започна најголемитеоени вежби од почетокот на годината, со учество на 95 000 војници во центарот на земјата, соопштија агенциите.
Воените вежби “Центар-2015” ќе траат до недела. Во нив учествуваат и 170 авиони, 20 борбени бродови и над 7000 единици тешко вооружување.
Руското Министерство за одбрана изјави дека тоа се најзначајните воени вежби за годината и ќе се одржат во 20 различни области од Централниот воен округ, кој опфаќа широки територии од Урал до Централен Сибир.
“Ќе бидат подложени на проверка борбената обука и капацитетот за мобилизација на војниците во Башкортостан и Новосибирск, Самарската и Челјабинската област”, прецизира министерството. Мобилизирана е и руската Каспиското флота.
Во вежбите учествуваат војници од Организацијата на договорот за колективна безбедност, која вклучува неколку поранешни советски републики.
Војската ќе ја испроба “способноста да совлада меѓународен вооружен конфликт” и ќе симулираат “уништување на илегални вооружени групи во рамките на заеднички операции”, се вели во соопштението на руското Министерство за одбрана.
Вежбите ќе излегуваат во јавноста главно во Урал и Алтајски област и во зоната на Каспиското Море, рече командантот Централниот воен округ генерал Владимир Зарудницки.
На вежбите ќе присуствуваат како набљудувачи воени претставници на Никарагва, додаде тој.
Минатата недела Русија предупреди властите на Кипар дека е можно да се изврши поморски вежби крај Сирија меѓу 14 и 17 септември.
Русија сепак не ги потврдила овие вежби, кои би се одржале крај базата во сирискиот град Тартус, во амбиент на полемика за евентуално засилување на руското воено присуство во оваа зафатена од војна страна.