“Џенерал Моторс” повлекува за поправка над 70 илјади автомобили во Русија, кои може да добијат дефект на управувачот при ниски температури.
Американската компанија “Џенерал Моторс” (General Motors) соопшти дека планира да повлече за поправка во Русија 70,2 илјади автомобили “Шевролет Авео” (Chevrolet Aveo) поради ризикот од пукнатини во цревата на хидроусилвателниот систем на управувачот при температури под минус 40 степени Целзиусови.
Информацијата е на руското издание “Известија”, кој се повикува на претставник на државната агенција Росстандарт. Операцијата за повлекувањето влијае на автомобили произведени меѓу 22 ноември 2011 година и 11 септември 2015 година со соодветни VIN кодови кои ќе се објавуваат на веб страницата на Агенцијата. Според изданието, овластени дилери во Русија ќе информираат сопствениците на автомобили, кои се предмет на контрола.
Ова не е првото големо симнување на возила од General Motors во Русија, пишува ТАСС. Во август 2015 година, GM повлече речиси 11 илјади “Опел Мока “(Opel Mokka) поради можни дефекти во ремените.