Амбициозната трка на Google може да заврши со испраќање на нови роботи на Месечината. Google Lunar XPrize дава 20 милиони долари на првата компанија која испрати вселенско возило и кое ќе исполни неколку конкретни задачи.
Израелската компанија SpaceIL соопшти дека веќе има склучено договор со Spaceflight Industries. Таа е компанија која обезбедува “взаемен превоз” на вселенски бродови за изведување на товарот во орбитата. Лансирањето е планирано за 2017 година.
Останатите учесници во натпреварот имаат рок до декември 2016 година да потпишат договор за излез во вселената на нивните вселенски возила, како тие исто така треба да слетаат на Месечината и да ги исполнат поставените задачи до крајот на 2017 година. Значи теоретски е можно на една ракета да патуваат неколку вселенски возила во трка за големата награда.
Важен услов во трката е минимум 90% од финансирањето на секој проект да е од приватни извори. Целта е тоа да биде првата приватна мисија до Месечината. За да се освои наградата на Google сепак, вселенско возило треба да слета, да помине минимум 500 метри и да испрати до Земјата HD видео и фотографии со висока резолуција. Првиот вселенско возило, кое ќе го стори тоа, ќе добие 20 милиони долари. Има и награда за второ место, која е 5 милиони долари. Вкупно 16 тимови ќе учествуваат во трката.