Основачот на Tesla Motors не е особено загрижен од новитетите дека Apple развива свој автомобил и не ја гледа компанијата како конкурент. Во интервју за германскиот весник “Ханделсблат” Муск на неколку пати се изјаснува доста остро за проектот на Apple и за компанијата од Купертино како целина.
Запрашан дали е загрижен од бројот поранешни инженери на Tesla, кои веќе се дел од Apple, Муск одговара: “Тие вработуваат луѓето кои се отпуштаат. Со некои пријатели го нарекуваме Apple “гробиштата на Tesla “. Ако не се пробиеш во Tesla, одиш да работиш во Apple “, вели Муск.
Тој во никој случај не е загрижен од намерите на Apple и целите на компанијата во автомобилскиот сегмент. Според Муск, Apple не е подготвена за тешкотиите кои претстојат во реализација на ваков проект.
“Дали сте виделе Apple Watch? (Се смее) Не, сериозно, убаво е дека Apple се развива и инвестира во оваа насока. Но автомобилите се многу софистицирани во споредба со смартфони и паметни часовници. Не можеш само да отивеш кај давател како Foxconn и да кажеш “состави го мојот автомобил”. За Apple, возилото е следниот логичен чекор – конечно да понуди сериозна иновација. Нов молив или поголем iPad не се доволни “, коментира Муск.
Надвор од темата за Apple, Муск вели дека германските автопроизводители се држи до минатото. Според него автомобилската индустрија достигна границата на возможното на бензинот и е време за следната генерација автомобили. “Видовте што се случи и со скандалот со Volkwagen. За да остварат напредок се испоставува дека морал да измамат”, коментира Муск.
Тој оствари разговори со германски регулатори и претставници на владата, за да разговараат за иднината на електричните автомобили во земјата. Не крие дека побарал дополнителни стимулации за да им помогнат на развојот на Tesla. Меѓу нив е решавањето на електричните автомобили да користат бус ленти, како што е направено во Осло.