Пратеничката од ДОМ, Лиле Поповска, на седницата наменета за поставување пратенички прашања, рече дека не е задоволна од одговорот што го добила на поставеното пратеничко прашање на претходната седница на Собранието.
Таа прашала дали Владата ќе обезбеди повеќе пари за надзор на квалитетот на воздухот, а како одговор добила дека Министерството за животна средина побарало 50 милиони денари, а добило само 17 милиони денари.
– Во одговорите пишува дека парите одобрени за надзор на квалитетот на воздухот се добри со оглед на ограничените буџетски средства. Какви ограничени буџетски средба, па буџетот во 2016 година е најголем досега. Во буџетот има пари, но тие се наменети за тврда градба, за споменици и за тркала во Вардар, а не за воздухот – рече Поповска.
Таа додаде дека не е задоволна од одговорот, но дека нема кому да му постваи дополнително прашање.
– Кому да го поставам дополнителното прашање, на мојот пријател Стево Темелковски? Братче Стево, уживај си ти, сега стана човече со патент на уста – рече Поповска.
МЕТА