Договорот за безповратната помош меѓу Србија и Банката за развој на Советот на Европа го потпишаа српските министри Јадранка Јоксимовиќ и Александар Вулин и заменик генералниот директор на банката Стефан Селен.

-„Оваа помош е последица на конференцијата која ја организираше министерката Јоксимовиќ. Донаторите увидоа дека заслужуваме помш. Секоја помош која ќени ја даде меѓународната заедница е и помош на самата неа, затоа што излегуваме во пресрет на мигрантите и обезбедуваме се што им е потребно.“-рече Вулин.
Вулин изјави дека очекува од тие пари да бидат завршени прифатните центри во Адашевци и Шид и уште еден приватен центар. Тој додаде дека со тие пари постојните капацитети ќе се подобрат, ќе се обезбедат плати за луѓето кои работат со мигрантите, а ќе се унапреди и секоја неопходна логистика.