Малку врски опстануваат по неверство. Довербата се гради тешко, а враќањето е уште потешко. Многу семејни терапевти признаваат дека нивните клиенти често не можат да ја надминат измамата на својот партнер.
Вистината е дека знаците за потенцијална неверство се појавуваат доста порано од реалниот чин, но едноставно нема кој да ги забележи. И сепак има начин да направите сè што е можно за да не му давате повод на човекот до себе да побара милувања и утеха на друго место.
Погледнете како:
Не претпоставувајте дека сте имуни од неверство
Дури и да имате висока почит и да верувате дека сте совршен партнер / ка, тоа не значи дека омилен / та нема да ја проба среќата со друг / а. Не го земајте човекот до себе здраво за готово и трудете се да го одржите пламенот на љубовта и страста, и не заборавајте да ја покажувате својата љубов и почит кон својот партнер.
Препознавање на потребите и промените во врската
Во почетокот може сè да биде со цвеќиња и рози, но со текот на времето луѓето се менуваат и односите им еволуираат (и тоа не секогаш за добро). Разговарајте често со вашиот партнер, за да сте свесни за тоа како се чувствува во врската и ако почувствувате некаква несигурност и дилеми од негова / нејзина страна, опишете ги и поправете ги празнините.
Дефинирајте што значи моногамија за вас
Прво пред себе, а потоа и на деликатен начин дајте му на партнерот до знаење што мислите за темата, за да нема недоразбирања од типот на: “Ние не бевме договорени дали сме толку сериозни!” Или “Јас не сум спиела со него, само од време на време го сонувам еротски! Тоа не е неверство! “.
Затворете ги сите патишта кон поранешните
Подобро стојте подалеку од искушенијата. Ја знаете поговорката: “Старата љубов рѓа не фаќа!”. Подобро избришете го / ја од “пријателите” во социјалните мрежи, бидејќи дури и еден ваш “лајк” или коментар под фотографија може да стане повод за сериозна драма со постојниот партнер.
Секогаш наоѓајте време за секс
Страста е она што ги прави од обичните пријатели љубовници. Кога хемијата и возбудата меѓу двајца луѓе исчезне, тие се како цимери и бараат начин да ги задоволат потребите надвор од заедничкиот кревет.
Не ги коментирајте проблемите во односите со друг маж / жена, особено ако е атрактивен/а
Додека лелекате за драмата на личен план и давате јавност на ранливоста, може лесно да се лизнете и да скокнете во туѓ кревет.
И едно од најважните нешта: Секогаш покажувајте на саканиот/а колку значи тој / таа за вас!