Сајбер одмазниците во понеделникот објавија драматично видео, во кое прогласија војна на „калифатот“, а првата акција беше хакирање на акаунтите на Твитер поврзани со симпатизерите на борците од ИСИС.  Од Анонимус испратија и пишана порака до терористите, со која на припадниците на ИД им порачаа дека тие не забораваат и не простуваат.

Во пресрет на сајбер нападот, од Анонимус ги објаснија своите намери.

„Очекувајте масивни сајбер напади, војната е објавена бидете подготвени. Францускиот народ е посилен од вас и од оваа катастрофа ќе излезе уште посилен“.

Од Анонимус објавија и дека се во сајбер војна со хакерите од групата Даеш, која е поврзана со ИСИС. На нив им порачаа дека се многу подобри хакери, и дека нема откажување до истребување.