Француските истражители добиле видео снимка која укажува на можноста дека постоела и деветта личност која учествувала во минатонеделните напади во Париз, во кои беа убиени 129 луѓе.
Повикувајќи се на неименувани извори блиски до истрагата, агенцијата АФП јави за можноста, дека покрај Салах Абдеслама, уште еден напаѓач да е во бегство, освен ако не е во прашање еден од двајцата осомничени соучесници кои се во притвор во Белгија.
Тројца неименувани фрацуски извори изјавија дека анализата за нападите покажала дека постои уште едно лице кое е директно вмешано во нападите, а кое се уште не е повикано на одговорност и дека потрагата по него се уште е во тек.
Француските и белгиските власти издадоа потерница по Салах Абедслам, кој е главен организатор и чиј брат беше меѓу напаѓачите.
Во петокот вечерта во Париз беа убиени седум наоаѓачи, од кои три во близина на стадионот, три во концертна сала и еден во близина на ресторан.