Две недели им требаа на руските безбедносни агенции да откријат што според нив е јасен доказ за бомба на “Исламска држава” (ИД) на одборот на “Метроџет”, пишува руската новинарка дописник во Москва на американските весници “Њусвик” и ” Дејли Бисти “Ана Немцова , цитирана од клуб Z.
Неколку часа откако Владимир Путин и Барак Обама се ракуваа во Турција и разговараа за можен заеднички одговор на кризата во Сирија, Путин пристигна во својот кабинет во Кремљ и седна заедно со членовите на својот Совет за безбедност во четвртокот. Директорот на Федералната служба за безбедност (ФСБ) Александар Бортников му соопшти на Путин дека ФСБ открила остатоци од експлозивна супстанција во делови од авионот “Ербас А-321” и во багажот на патниците.
Седнати на маса, меѓу кои и самиот Путин, министерот Сергеј Шојгу, шефот на генералштабот Валериј Герасимов, министерот за надворешни работи Сергеј Лавров и директорот на Канцеларијата за надворешно разузнавање (СВР) Михаил Фрадков изгледаа трагично.
“Истражувањата покажаа дека по сите овие предмети има остатоци од експлозив од странско производство”, рече Бортников, додавајќи дека ќе има награда од 50 милиони долари за информација за организаторите на терористичкиот напад. (Се тврди дека египетските власти уапсиле истиот ден двајца од вработените на аеродромот во Шарл ел Шеик.)
Путин разговараше со министерот Шојгу за засилување на кампањата во Сирија.
Кремљ последен од сите, рече дека има терористички напад против рускиот авион. Изјавите на британската влада и службеници на американското разузнавање беа отфрлени од руските официјални претставници како премногу избрзани и некомпетентни. Само пред една недела Путин побара од Западот да престане да прави заклучоци за бомба во авионот.
“Кремљ го одложи објавувањето на веста за експлозивите колку што можеше,бидејќи на крајот е несоодветна и непријатна. Во пракса за прв пат во путинска Русија некој разнесе авион надвор од границите на земјата”, изјави за “Дејли Бисти” Владимир Рижков – политички аналитичар и професор во Високото економско училиште.
Во вторникот многумина во Русија се прашував зошто на Путин му било потребно толку долго време да потврди дека терористи го симнале авионот. Освен тоа – кој треба да биде обвинет за овој напад? Руски независни експерти навестија дека Кремљ чека вистинскиот момент за да им ја соопшти на Русите кошмарната вест за бомбата. Таа беше соопштена оваа недела во пакет со пораки дека Путин е важен меѓународен играч и дека Русија му помага на “ѓубрето” од Запад во глобалната војна против тероризмот.
Рижков смета дека пред ударите во Сирија, Кремљ и претежно членови на Советот за безбедност би требало да ги изанализираат сите можни ризици и закани за рускиот народ во регионот. Некои експерти посочија дека Кремљ намерно го одложи објавувањето на веста за бомбата на одборот. Состанокот во вторникот во Кремљ, пренесуван на руската телевизија “, идеално се вклопува во трендот од последните неколку дена”, изјави за Газета.Ру Фјодор Лукјанов – претседател на Советот за надворешна и одбранбена политика. Изгледа рускиот лидер повторно го пресметал секој чекор и јавната реакција.
Во вторникот вечерта Путин пристигна во военото министерство за да објави дека новиот руски план е да го удвои бројот на воздушните напади во Сирија. (Авиони со голем дострел веќе беа удриле цели во Сирија ) Рускиот претседател нареди исто така на руската флота да работи со Франција во заеднички воени и разузнавачки операции.
“Кога ги исполнувате воените мисии во Сирија, вие пазите на Русија и на нејзините граѓани”, рече Путин на командантите од Министерството за одбрана. “Нашата воздушна кампања во Сирија не треба само да продолжи, но и да биде напорна, така што криминалците да разберат дека одмаздата е неизбежна.”
Сепак, се чини дека малкумина во Москва се согласуваат со Путин. Во вторникот наутро радио “Ехото на Москва” спроведе истражување, и праша слушатели дали Русија треба да продолжи да ја бомбардира Сирија како одговор на терористичките напади врз авиони и во Париз. 63 отсто рекоа дека Русија треба да престане да бомбардирањето во Сирија.
“Војната во Сирија не е нашата војна. Човечките загуби на Русија како резултат од оваа војна се неприфатливи”, изјави професор Рижков пред телевизија “Центар” во текот на неделата.
* Авторката е руска новинарка, дописник во Москва на американските весници “Њусвик” и “Дејли Бисти”. Поради презимето често погрешно ја сметаат за роднина на убиениот во февруари опозиционен лидер Борис Немцов.