Пред извесно време ви раскажавме за убав станбен комплекс во Торино, Италија, во кој се вткаени цели 150 дрвја!
Изгледа екотематиката возбудува повеќе луѓе и особено Италијанците. Токму архитект од оваа европска земја може да се пофали со идејата за првата зграда во светот покриена со зимзелени растенија.
Тој се вика Стефано Боери и се пофали со афинитетот кон иновативни зелени структури. Негова е идејата за 117-метарска кула која ќе биде распоредена во градот Лозана – Западна Швајцарија.
Зградата ќе има 36 ката и ќе се вика “La Tour des Cedres” (Кула на кедрите).
Тоа ќе биде дом на повеќе од 100 дрва, 6000 грмушки и 18 000 растенија,распоредени на 3000 квадратни метри зелена површина. Растенијата ќе имаат цел да ги заштитат куќите кои се наоѓаат во населбата Chavannes-Pres-Renens, од суровите ветрови, правот и бучавата на градот.
Некои од становите во иновативната зграда ќе гледаат кон Женевското Езеро.Во кулата ќе има уште канцеларии, фитнес сала, како и панорамски ресторан на последниот кат. Изградбата се очекува да започне во 2017 година.
Во 2014 година Стефано Боери го заврши својот прв зелен проект “Vertical Forest” – две кули кои се наоѓаат во Милано и собираа во себе над 1000 различни видови на дрва.
Влезете во нашата галерија и проверете како ќе изгледа првата зимзелена кула во светот.
Фото: Stefano Boeri