Македонската млада, но успешна модна дизајнерка Ирина Тошева, на последната модна недела во Скопје се претстави со модна колекција која, благо речено, ги изненади сите. На радост на обожавателите на делата на нашиот познат уметник Ване Костуранов, тие ги здружиле силите и ја создале модната колекција„Дома“ есен/зима ’15/’16.
А, од тоа да ги имаш обесено неверојатните топли дела на Костуранов на твојот ѕид во салонот или својата соба, може да е подобро само тоа да ги носиш илустрирани на себе, секаде.
Покрај на ревијата, моделите можат да се погледнат и во модниот едиторијал кој е снимен на повеќе локации во Скопје .
„ Дома е креативна рефлексија на потребата од нешто само свое. Едиторијалот претставува отсликување на повеќе приказни и моменти од ноќниот живот. Фотографската приказна е инспирирана од скопскиот ноќен живот со сите негови култни локации. Секој од нас во одреден период од животот тие простори ги чувствувал како свој дом. Таму секој од нас прославувал, припаѓал, се забавувал, па дури и се почувствувал и отсутен.“ – сподели Ирина, со објавувањето на прекрасните фотографии кои ви ги прикажуваме во продолжение.
