До неодамна Шарм ел Шеик беше едно од најголемите египетски летувалишта на Црвеното Море. Денес тој е град на духови, обележан со атентати, политички немири и авионска несреќа.
Прекрасните плажи и туристички атракции на Египет сега се празни, а сјајните хотели се напуштени, убавината од минатото доста е овената.
До пред четири години (до т.н. Арапска пролет на 2011-та, кога почна бранот со демонстрации во арапскиот свет) туристичката индустрија во Египет беше повеќе од просперитетна, но веќе речиси никој нема да сака да одмора на Црвеното Море. Претходно на одмор доаѓале по 15 милиони посетители годишно, а денес оваа бројка е за девет пати помала.
Последната шајка во ковчегот на египетскиот туризам беше соборениот руски патнички авион од Исламската држава над Синајскиот Полуостров. Авионот Ербас-321 летал од Шарм ел Шеик кон Санкт Петербург, а на него имало 224 луѓе, сите – руски граѓани и сите веќе починати.
По овој терористички напад многу малку авиокомпании се подготвени да спроведуваат летови во регионот, како последица на што таму владее пустош.
Од снимките на фотографското дуо Андреа и Магда се гледа дека хотелите во Шарм ел Шеик се напуштени или недовршени, плажите – пусти.
На една од фотографиите се гледа бездомна камила, која бара храна во канта за ѓубре во Нувејба. Таа е едно од многуте напуштени животни, кои своевремено биле користени како туристичка атракција за т. н. “Бедуинска вечера”, која вклучува јавање на камила низ пустината.
Истото важи и за туристичката населба Таба, на источниот брег на Синајскиот Полуостров, која граничи со Израел.
Истово низ фотографии погледнете го во галеријата.