Со помош на математички модели двајца научници од Белгија докажаа дека ниту една од двете официјални верзии за соборување на рускиот авион не одговара во целост на вистината. Дали тоа значи дека Москва и Анкара лажат?-пишува DW.

Астрофизичарите Том ван Дорсларе и Џовани Лапента од Универзитетот во Лев ги проучувале внимателно официјалните позиции на Русија и Турција за соборувањето на рускиот авион од турски борбени авиони. Анализираните од двајцата научници карактеристики на летот – брзина, височина и насока – покажуваат дека ниту една од двете официјални верзии за инцидентот не одговара во целост на вистината.

Турската верзија не може да е точна

Според турската страна, рускиот авион бил соборен, бидејќи влегол на 2 километри во турскиот воздушен простор, каде останал околу 17 секунди. Пред тоа, во тек на 5 минути, руските пилоти биле предупредени вкупно околу 10 пати да го сменат правецот на летот. Двајцата научници од Белгија тврдат дека оваа верзија не може да е точна. Го земаат предвид местото на кое падна авионот, и неговата брзина од 980 км / ч, тие го прават следниов заклучок: со оваа брзина авионот требало да помине растојанието од 2 километри за 7 секунди, а не за 17, како што тврди турската страна .

Што се однесува до другото тврдење на Турците – дека руските пилоти биле предупредени десет пати, истражувачите велат дека ако еден авион лета со брзина од 980 км / ч, за пет минути (додека се трае предупредувањата) тој може да помине цели 80 километри. Во овој поглед научниците го поставуваат следново прашање: “Од каде турските воени сили можеле однапред да знаат дека рускиот борбен ќе го наруши турскиот воздушен простор, откако тој можел секој момент да ја промени драстично траекторијата и да го избегне навлегувањето во турскиот воздушен простор? Уште повеќе дека овој вид авиони се исклучително маневрирачки. Односно, во моментот кога турските воени сили имаат воспоставено контакт со двајцата руски пилоти, предупредувањата биле чисто шпекулативни “, заклучиле двајцата научници.

Вонредна од Париз! Ердоган се прави на глув, ги игнорира прашањата за извинување кон Москва

Прашалници и околу руската верзија

Според руската страна, откако бил удрен, рускиот авион ја сменил нагло траекторијата , извртувајќи се за 90 степени. Кремљ инсистира дека авионот ниту за момент не навлегол во турскиот воздушен простор и дека се урнал на сириска територија, во близина на границата со Турција.

Двајцата научници тврдат дека за да се заврти авион кој летал со толку голема брзина, на 90 степени, тој мора да бил удрен од нешто многу сериозно и побрзо од него. “Една ракета е многу полесна од авион. Свртувањето за 90 степени може да биде предизвикана кога на пример нешто како воз ќе удри нешто како автомобил”, вели за ДВ истражувачот Том ван Дорсларе.

Идејата за анализата се родила спонтано – на заеднички ручек, за време на кој двајцата научници дискутирале на оваа тема. “И двајцата имавме проблеми со официјалните верзии на двете страни и затоа решивме да го истражиме случајот подетално”, вели Том ван Дорсларе. Но нивната цел не била да докажат дека некоја од двете верзии звучи веродостојно од другата, туку само да покажат дека и во двете има недоследности.