Претседателот на Македонскиот олимписки комитет (МОК), Васил Тупурковски обезбеди 60 илјади долари за најдобрите македонски ракометари, во насока на нивни што е можно подобри подготовки за Европското првенство во Полска.
МОК верува дека Македонија може да обезбеди директно учество на Олимпијадата во Рио 2016, или на другиот начин, преку квалификацискиот турнир.
– Финансиските средства се веќе на сметка на Ракометната федерација на Македонија. МОК верува дека нашите најдобри ракометари во 2016 година ќе го дадат своето најдобро и ќе го реализираат сопствениот, а и сонот на сите граѓани на Македонија, соопштуваат од МОК.
Во исто време, МОК информира дека доби покана од организациониот комитет на ЕП како и од Полскиот олимписки комитет да биде нивен гостин за време на шампионатот во Полска, која МОК со големо задоволство ја прифати.