Наменета за користење при вежби во Европа, американска ракета од класата “воздух-земја”, “Хелфајр” (Hellfire), но без боева глава, се појавила во Куба по грешка.
Ова го соопшти во четвртокот електронската верзија на весникот “Волстрит џурнал” (The Wall Street Journal). Според цитираната од ТАСС приказна, предметниот инцидент се случил во 2014 година.
САД ја испратиле ракетата во Европа, но потоа поради некоја непозната причина таа се појавила во Куба, наместо во САД. Цела година Вашингтон, пишува весникот, се обидува зад сцената да ја убеди Хавана да ја врати ракетата, плашејќи се дека кубанската влада може да ги открие тајните за снабденото со висока технологија оружје – сензорите и системите за насочување – во корист на земјите како Кина, Северна Кореја или Русија.
Според весникот, федералните власти безуспешно се обидувале да утврдат кој стои за случката – “шпионите или организираниот криминал” или сепак “сè се објаснува со ретко појавување на неповолни (за американските власти) околности”.
AGM-114 “Хелфајр” е американска повеќенаменска, многуплатформна модуларна ракета произведена од Локхид Мартин, според пронајдени извори во мрежата. Развојот започнува во 1974 како ново оружје за специјално прилагодена за борба против тенкови и други оклопни цели.