Претплатничката услуга на компанијата за видео игри Electronic Arts веќе станува достапна и за компјутери. Досега само носителите на конзолата Xbox One можеа да се претплатат и да добијат пристап до бесплатни игри и попусти за хит наслови, забележува онлајн изданието Polygon.
Услугата за Xbox One се вика EA Access, додека верзијата за компјутери го носи името Origin Access. Таа ќе чини пет долари месечно без опција за годишна претплата, каква што се нуди за EA Access. Тоа е единствената разлика помеѓу двете платформи.
Origin Access исто така ќе нуди пристап до пробни верзии на нови игри, колекција со бесплатни игри, меѓу кои се Battlefield 4, Dragon Age: Inquisition и др. Ќе се нудат и 10% попуст за сите игри кои се во платформата и не се во бесплатниот каталог.
Компанијата ќе нуди и игри на надворешни програмери, со што Origin Access постепено се претвора во конкурент на популарната меѓу гејмерите платформа Steam на Valve. Засега Origin Access оди и во Германија, Канада, САД и Велика Британија. Постепено ќе се додадат и уште држави.