Сара Пејлин официјално влезе во предизборната кампања на САД, како поддржувач на  кандидатот на Републиканската партија Доналд Трамп, објавија американските медиуми.Пејлин е поранешен гувернер на Аљаска и има огромно влијание врз избирачите од конзервативно-либертарианското крило на републиканците. Таа јавно ја објави одлуката за заеднички настап со Трамп на предизборен митинг во Ајова, каде на 1 февруари ќе се одржат првите партиски избори за сезоната. “Јас сум тука, зашто знам – сега или никогаш … Јас учествувам во оваа кампања, за да освои Трамп “- изјавила Пејлин. Според неа, Трамп “повторно ќе ја направи Америка голема”. Потоа Пејлин  ја разби политиката на Барак Обама, со која според  неа  Американците почнаа да живеат полошо, а престижот на Америка во светот опадна. Таа го нарекла Обама “врховен капитулант”.