Министерот за транспорт и врски, Владимир Мисајловски уште пред пет месеци вети дека ќе биде донесен закон за зеленило, но од тоа се уште нема ништо. Министерот ова го вети, како одговор на пратничко прашање на Лилјана Поповска, кога кажа дека законот ќе биде донесен за две недели, по што од ДОМ го прашуваат Мисајловски каде е законот.

-Ги повикуваме сите граѓани, граѓански организации и политички партии да ја дадат поддршката на законот за зеленило кој е во собраниска процедура по трет пат изминативе две години, вели портпаролот на ДОМ, Тони Христов.

Тој вели дека законот има препораки од Градот Скопје и сите општини од ЗЕЛС, каде се поминати серија јавни расправи за него.