Властите во Токио ќе ги препознаваат криминалците преку тродимензионални полициски портрети, соопшти технолошкото издание “Wired”.
Техничкото подобрување е решение на проблемот со споредбата на архивските фотографии со видеа од криминал, при што сторителите можат да останат скриени поради лошо осветлување или ако ја наведнале главата. Препознавањето на криминална активност на лица по полициските слики често се покажува невозможно.
Новите камери во реонските управувачи ќе ги сликаат криминалците од 3 различни правци, со дополнително осветлување на лицето. На овој начин се создава тродимензионален модел на прекршувачот на законот. Перспективата на таквата фотографија ќе може да се менува, па да се направи полесно споредба со фотографираните од камерите за набљудување.
Сите 102 полициски станици во Токио ќе бидат обезбедени со тродимензионални камери, а новиот процес на снимање на приведени ќе започне од април. 3D-апаратите се користат од страна на јапонската полиција од 2001 година, но досега само во регионални поделби. Органите на редот во главниот град се првите кои ќе ја воведат широката употреба.