Градските власти на Берлин веќе подолго време никако не успеваат да продадат една куќа на езрото Богер, а за тоа не се главни причини трошната фасада, кровот што се распаѓа или ентериерот кој „памети и подобри времиња“.
Вилата на езерото со 70 соби веќе подолго време не може да најде нов сопственик од мошне очигледна причина – во прашање е „љубовното гнездо“ на Јозеф Гебелс, еден од најголемите пропагатори на идеологијата на нацистичкиот лидер Адолф Хитлер.
Од страв поранешната нацистичка вила, сместена на околу 40 км северно од Берлин, да не стане „засолниште за собирање на модерните нацисти“ во случај да падне во погрешни раце, гладската влада планира да ја издаде под закуп.
Како што пишува „Телеграф“, Гебелс земјиштето го купил во 1936 година, а вилата е довршена во 1939 година и во неа првиот човек на Хитлер за креирање на јавното мнение ја изневерувал својата сопруга со старлетите од филмското студио со коешто управувал.
Гебелс и неговата сопруга Магда се самоубиле во бункерот на Хитлер откако ги отруле своите шест деца, пишува „Newser“.