Британски ветеринари ги собрале максимално достапните информации за нападите на крави врз луѓе – за фреквенцијата, причините и последиците од овие напади, а исто така и за начините за спас од агресивните тревопасни животни. Заклучоците на научниците се претставени во списанието Injury Prevention.

Ангарад Фрејзер-Вилијамс од Ливерпулскиот универзитет и неговите колеги ги собрале сите случаи на напади на крави и бикови врз луѓе, споменувани во научната литература, во архивите на британските весници од 1993-2013 година и во студии на странски колеги.

Излегува дека најголема опасност за човекот претставува работата во соседство со крави. Во ризични групи се земјоделци, ветеринари и работници. Исто до опасна средба со крави води и прошетка во руралните предели.

Во Обединетото Кралство за 20 години имало 54 напади, од кои 13 доведоа до смртен исход. Најчесто луѓето се хоспитализирани со скршеници (откако крава ги нападнала), но понекогаш животните ги напаѓаат луѓето до смрт.

Кинески научници создадоа робот камелеон

Научниците наведуваат неколку причини за нападите на кравите. Пред сето ова е мајчинскиот инстинкт – женките го гледаат човекот како закана за своите телиња. Покрај тоа кравите често ги осакатуваат луѓе кои се обидуваат да ги заштитат своите кучиња . Кучињата често ги плашат и дразнат кравите и тие преминуваат во напад.

Советите за безбедност на контактите со крави во медиумите се контрадикторни. На пример, некои медиуми ги советуваат луѓето да се однесуваат тивко во случај на агресија, а други – да се вреска силно и да се мавта со раце.

Генерално истражувачите ги советуваат луѓето да не се приближуваат до телињата и да ги пуштаат кучињата од ланец, оставајќи го миленичето да се спасува самостојно.