СДСМ упорно докажува дека нема дно кое не може да го пробие. Уште еднаш крајно безобразно и неодговорно СДСМ се обидува да го девалвира Уставниот суд, државните институции и угледот на Република Македонија.
СДСМ секогаш кога е без идеја посега по институциите на државата. Ова крајно несериозно однесување ги докажува непостоечките политички и демократски капацитети во СДСМ, реагира владејчката партија откако Петре Шилегов од СДСМ денес зборуваше за семејството Гошеви и обвини за партиско-фамилијарни инсталации на ВМРО-ДПМНЕ во Уставен суд.
Од ВМРО-ДПМНЕ тврдат дека се уште цврсто стојат зад ставот во врска со актуелната иницијатива пред Уставниот суд и велат тоа не е променето од 2009 до сега. Истовремено, трдат дека СДСМ во 2009 година била со став дека измените во законот се неуставни и дека ќе паднат пред Уставниот суд.
„Затоа веќе трет ден се крие и Цветанка Иванова и Емилијан Станковиќ и сите членови на партијата кои во 2009 година гласаа против измените во законот за помилување. Затоа овие 2 дена му е дадена задача на Петре Шилегов да ја лаже и манипулира јавноста со политички напади врз институциите. Кога СДСМ говори за врска меѓу политиката и судството треба да објасни каде работи кумот на Филип Медарски, адвокат и советник на аболицираниот криминалец Заев, каде работи сопругата на Филип Медарски и каде работи неговата мајка. Каква врска има Филип Медарски со СЈО, со Основниот суд и со Вишото јавно обвинителство?
СДСМ мора со афери да ја покрива сопствената непсособност, отсуството на програма и ниту една позитивна порака на СДСМ кон народот. Затоа СДСМ наместо да се посвети на идеи и проекти, се посветува само на фабрики за афери. Тоа кристално чисто ја покажува лицемерната политика на СДСМ. Фабриката која ја создаваше Чаушот е само еден мал мозаик во целиот план на СДСМ за водење нечиста и црна кампања базирана единствено на лаги и манипулации. Лагите и манипулациите на СДСМ се провидни и пукаат како меур од сапуница. Народот референдумски ќе гласа против сета оваа деструктивна политика на СДСМ и ќе им го испорача на најсуров начин десетиот јубилеен пораз по ред“, стои во соопштението-реакција на ВМРО-ДПМНЕ.