Ако една држава сака да се приклучи кон ЕУ, таа мора да ги почитува нејзините вредности.
Поранешниот министер за надворешни работи на Унгарија, Ласло Ковач апелира за фер и демократски избори и легитимно избрана влада, како предуслов за напредок на членството на Македонија во Европската унија. Според политика најважно за Македонија, која некогаш била лидер на Западен Балкан, е сега да си ја напише домашна задача. Ковач, кој доаѓа од земја, чиј премиер Виктор Орбан е нарекуван “модерен диктатор” во Европа, го спореди управувањето на Груевски со тоа на премиерот во неговата земја и додаде дека македонскиот политичар нема довербата на Европа. “Мислам дека владата на Груевски нема никаква доверба во Европа. Неговото управување станува недемократско. Мислам дека е во интерес на земјата и на македонските граѓани да има фер и слободни избори.
Идејата на Орбан е да управува со пет последователни мандати со правилата на една партија. Тоа би било крајот на демократијата во Унгарија. во Македонија политиката на Груевски и неговата партија е слична. таа не е демократска, таа е против владеењето на правото и не во корист на интересите на граѓаните “, рече Ковач во интервју за Нова по конференцијата под наслов “Обезбедување на основните предуслови за демократска Македонија”.
Според Ковач иднината на Македонија е во ЕУ, бидејќи мала земја како неа не е економски фактор, кој би можел да преживее сам. “Ако една држава сака да се приклучи кон ЕУ, таа мора да ги почитува нејзините вредности и норми, договорите кои доаѓаат со членството, а демократијата, владеењето на правото, слободата на медиумите и на изразување се неопходен услов за членство. Првиот услов за да влезат во Европската унија е да има фер и слободни избори, кои се почетна точка за демократијата и владеењето на правото “, рече поранешниот министер за надворешни работи на Унгарија.