Сега во Европа има околу 65 илјади американски војници.
Пентагон планира да распореди во Европа на постојана основа уште неколку воени бригади. Ова го соопшти во неделата весникот на вооружените сили на САД, “Милитари тајмс”, цитиран од агенциите. Станува збор за дискутирање на можноста во Европа да се распоредат една или повеќе воени бригади. Според изворот на весникот оваа идеја е поддржана од главниот командант на обединетите вооружени сили на НАТО на континентот, американскиот генерал Филип Бријдлав “кој предупреди за итната потреба да се засили одбраната на Алијансата против Русија”. Ако Вашингтон го одобри овој план за акција, неколку илјади војници ќе бидат испратени во Европа – во една бригада просек влегуваат од 3 до 5 илјади луѓе. На овој начин “за прв пат од неколку децении военото присуство на Европската команда (исто предводена од Бријдлав) на континентот ќе се зголеми”, пишува весникот. Бријдлав, кој беше во американскиот главен град минатата недела, разговарал за план за акција со команданти од Пентагон. “Тие бараат начини за зголемување на бројот на американските војници стационирани во Европа на постојана основа”, пишува “Милитари тајмс” Според претставникот на Пентагон. Тие се обидуваат да разберат “колку се потребни и каде може да се земат”. Изворот на “Милитари тајмс” истакнува дека “секоја одлука за преместување на војниците се соочува со сериозни пречки”. На пример “во Европа тоа ќе има потреба од координација со сојузниците и со земјата домаќин”, потсетува весникот. “Еден од најважните прашања за САД – местото на дислокација на овие дополнителни воени бригади, се вели во публикацијата. “Пентагон разгледува две опции: или, како и обично, на териториите на гарнизонот во Германија, или по можност поблиску до границите на Русија – во Полска или во балтичките земји. Минатата недела Бријдлав излезе со цврсти барања на адреса на Русија и го повика НАТО да се подготвува за конфликт со неа во Европа.
Сега во Европа има околу 65 илјади американски војници. Во 1980 година тие се над 200 илјади. До 2012 година САД располагаат во Европа со четири бригади, но потоа од економски причини две се враќаат дома . Европа е без вооружени групации. Американски воени експерти му препорачуваат на Пентагон да врати во Европа барем една вооружениот бригада. / ТАСС,