143
Претседателот на Република Македонија Ѓорге Иванов, придружуван од сопругата Маја Иванова, денеска ќе престојува во првата официјална посета на Египет.
Претседателот Иванов, во Каиро, ќе оствари средба со претседателот на Египет Абдел Фатах Ал Сиси, а ќе се сретне и со претседателот на парламентот Али Абдел-Ал.
Претседателот Иванов е предвидено да ја посети и Александриската библиотека. Во рамки на официјална посета на Египет, Иванов утре ќе учествува на бизнис форум за презентација на инвестициските можности во Република Македонија и јакнење на економската соработка меѓу Република Македонија и Египет.