“Денот на зависта” во Финска е денот кога медиумите ги објавуваат даночните декларации на најбогатите граѓани. Во Шведска секој може да се информира за изјавите на сограѓаните по телефон. А страста на Норвежаните за дискутирање на даноците е споредлива со “финансиска порнографија”.

Скандинавците не ги кријат своите даночни декларации, токму напротив. Секој ноември финските медиуми објавуваат имињата на 10 000 луѓе, кои освоиле најмногу минатата година, пишува агенцијата “Ројтерс”.

Норвешка ја објавува истата информација, но за сите граѓани, од 1863 година. Правилата за тоа беа стегнати во 2013 година, поради загриженоста дека преголемиот публицитет може да ги ориентира крадците на кои жртви за кражба. Сега секој, чие име било побарано во низата податоци добива известување кој точно го проучува.

Ноје цирхер цајтунг: Иванов го исклучи штекерот, пучот на Претседателот го уништува кризниот менаџмент на ЕУ

Некои Норвежани ги користат овие информации за да проверат какви плати добиваат нивните колеги и така да преговараат со работодавачите за својата награда. Но забраната на анонимно пребарување доведе до сериозен пад – од 16,5 милиони пребарувања во 2013/2014 година, до 2.15 милиони во 2014/2015.

Во Шведска речиси сите детали околу приходите на граѓаните се јавни и достапни само преку телефонски повик. Овие политики се вкоренети во културните традиции – социјалниот систем во земјата зависи од чесното плаќање на високи даноци, како и од довербата на граѓаните во правдата . Даночните власти традиционално се меѓу најпочитуваните институции.

“Социјалните системи во Норвешка, Шведска и Данска на практика се колективно осигурување … веруваш дека сите други луѓе ќе работат и ќе ги платат даноците. Тоа е доверба кон другите е екстремно изразено во објавувањето на изјавите”, коментира Херта Свендсен, професор по политички науки на универзитетот во Архус, Данска.