Американската технолошка компанија Интел ќе отпушти до 12 илјади вработени ширум светот во обидите за реорганизација на работењето и намалување на зависноста од проблематичниот пазар на персонални компјутери, соопшти компанијата. 
До средината на 2017 година, со реструктуирањето ќе биде елиминирана околу 11 отсто од работната сила на Интел, а целта е да се забрза „еволуцијата на ПС компанија од компанија, која произведува милијарди паметни уреди поврзани со компјутерите“, се наведува во соопштението на оваа групација со седиште во Калифорнија.
Отпуштањето, како што е соопштено ќе биде реализирано преку комбинација на доброволни и принудни откази.
За покривање на трошоците за намалување на бројот на вработените, Интел ќе издвои 1,2 милијарди долари, а од оваа програма се очекува заштеда од 750 милиони долари во 2016 година и 1,4 милијард долари за заштеда до средината на 2017 година