Компанијата Магнус Реш официјално го најави лансирањето на нова мобилна апликација за светот на уметноста, соопштува сајтот Artprice.
Апликацијата работи како “Shazam”. Корисниците прават фотографија на уметнички дела и апликацијата ги “враќа” сите детали, вклучувајќи и цените. За прв пат во историјата на уметноста базата на податоци со цени од галерии и аукциските куќи е достапна бесплатно.
Апликацијата може да се повлече од App Store на Apple. Клучна карактеристика на Магнус е најголемата база на податоци на цени во светот за современа уметност, која се состои од цени од примарниот пазар, како и цените на секундарниот пазар.
За прв пат во историјата на уметноста, информацијата е достапна за сите.
Апликацијата црпи богата база на податоци од години засилен труд, софистицирана технологија, и краудсорсинг. Магнус ги комбинира примарните пазарни цени со цените од аукции од над 1000 аукциски куќи кои датираат од 1901 година.
Во текот на неколку години внатрешните членови додавале дела и цени од уметнички галерии ширум светот со помош на апликацијата. Со официјалниот јавен почеток, се очекува базата на податоци да се зголеми уште повеќе. Друга клучна карактеристика е дека Магнус користи технологија за препознавање на слики, за да се направи употребата на апликацијата поедноставна. Слично на Shazam- функцијата им овозможува на корисниците да прават фотографија на секоја слика.