Владите на земјите членки на ЕУ, кои планираат да склучат договори со Турција, Украина и Грузија за безвизен режим, сега размислуваат нова политика, која ќе им овозможи брзо да ги суспендираат и дури да поништат овие аранжмани по потреба. Ова се наведува во француско-германски документ, цитиран од весникот. “Волстрит џурнал”.

Владите од ЕУ ќе донесат наскоро одлука дали да се воведе безвизен режим во момент кога многу Европејци се загрижени од масовната миграција. Евентуален договор со трите држави ќе значи дека живеат во нив вкупно над 120 милиони луѓе ќе можат слободно да влегуваат во ЕУ без визи.

Закана! Путин удри по масата заради аферата со космодромот

Високи претставници на земјите членки ќе разговараат на состанокот во Брисел за визните договори и какви заштитни механизми можат да бидат прифатени. Пред денешната средба двете највлијателни држави во ЕУ Франција и Германија направија неколку предлози, врз основа на кои да започнат дискусиите.

Колку посилен заштитен механизам биде создаден, толку поверојатно е земјите членки да дадат одобрение. Од друга страна, механизам кој обезбедува лесна можност за укинување на безвизниот договори, може да предизвика незадоволство на Украина, Турција и други, истакнува “Волстрит џурнал”.

Еден од предлозите во документот е ЕУ да може автоматски и за постојано да може да отстрани една земја од листата на држави, за чии граѓани имаат безвизен режим, ако таа го наруши договорот.

Штом биде потпишан договор со Турција, Украина или Грузија, Европската комисија ќе треба редовно да изготвува извештаи дали дадената земја ги исполнува условите за безвизно патување. Главните критериуми за тоа се ефикасност во борбата против корупцијата, организираниот криминал, фалсификувањето на документи, нелегалното преминување на граници и тоа дали земјата соработува за реадмисијата на илегални мигранти, се наведува во документот.