Кинески мафијаш беше вратен во затвор поради гласна забава организирана по повод неговото ослободување. Чен Јуз бил пречекан од стотина свои пријатели, откако последните 7 години поминал зад решетки.
Во последните 20 години тој лежел неколку пати во затвор поради различни причини – грабеж, коцкање и хулиганство. За организирање на нелегални коцкања лежел во последните 7 години. Секој пат кога бил ослободуван, тој повторно заземал важно место во мафијашките кругови и го обновувал своето влијание.
Неговите пријатели овојпат му приредиле спектакуларен пречек. Повеќе од сто луѓе го придружувале по Пекингшките улици, а во поворката се вклучиле 6 Хамери, 22 Ровери и 30 Мерцедеси.
При самиот пречек бил одржан посебен ритуал со истрелување на огномет, за да бидат протерани злите духови. Бучната забава траеше три дена, а станало јасно дека ритуалот не помогнал многу-многу. Полицијата го приведе Јуз за прекршување на јавниот ред. Органите на редот презеле нова истрага на неговата дејност.