80
Новоформирана компанија во Кенија има развиено 16- инчен телевизор, кој работи благодарение на сончевите зраци, пишуваат СиЕнЕн.
Причината за соларни производи е дека околу 5 милиони домови во земјата немаат електрична енергија, а од вкупно 45 милиони луѓе само околу 30 проценти поседуваат телевизор.
Според креаторите на пронајдокот производот на кој Кенијците најмногу се стремат е телевизор, а во провинциските делови на земјата луѓето одат со часови под жешкото сонце за да гледаат телевизија во најблискиот до нив град.
Компанијата веќе има продадено 5.000 примероци од новиот вид телевизори од февруари наваму и тешко се справува со зголемената побарувачка ..