Венчален прстен на поранешната сопруга на милијардерот со амбиции за Белата куќа Доналд Трамп беше продаден на аукција во Њујорк за 300 000 долари.
Купувачот посакал неговото име да остане во тајност. Прстенот е со дијамант од 7.45 карати и е дело на мајсторот Хари Винстон.
Американската актерка Марла Мејплс која се разведе со милијардерот во 1999 година го продаде овој накит за 110 000 долари. Тој беше купен од њујоршко семејство кое сега одлучило да го продаде преку аукциската куќа “Џозеф Дјомушел”.
Доналд Трамп е роден во 1946 година во Њујорк. Татко му е со германски корени, а мајка му е Шкотландка. Пред Марла Мејплс тој беше оженет за прекрасниот чешки модел Иванка Зелничкова. Во моментов тој е оженет за словенечкиот модел Мелани Трамп. 70-годишниот магнат има пет деца и осум внуци.