Британски биолози открија дека козите можат да се ривал на кучињата во создавањето на емоционални врски со сопствениците, објави “Дејли телеграф”. Козите можат да ги гледаат луѓето во очите и да молат за помош кога им е тешко да исполнат некоја задача.
Оваа функција е вродена на кучињата, но не и на волците, кои не свикнуваат со луѓето. “Кога работиш со нив, утврдуваш дека тие имаат карактер, како и дека мислите им се препишуваат на устата. Тие се толку љубопитни животни”, вели д-р Алан Макелигот од тимот.
Целта на истражувањето на научниците од Универзитетот “Квин Мери” е да докажат дека козите се многу попаметни отколку што ги сметаме како и дека тие комуницираат со луѓето како домашни миленици. Козите можат да отворат затворена кутија со “рачка” – задача која ја демонстрира интелигенцијата на мајмуните.
Тие можат да го повторат “бројот” четири години подоцна, без да им биде укажано. Козите ги гледаат луѓето во очите на ист начин како кучињата кога молат да им биде дадено нешто вкусно. Козите се првите земјоделски животни, припитомени од луѓето пред околу 10 000 години. Но, многумина ги сметаат за непопаметни од овците, а во некои земји како Италија и Германија споредбата со коза се користи како навреда.
Британските биолози истакнуваат дека козите и овците се многу различни. За целите на истражувањето британските биолози научиле кози да го тргаат капакот на кутија за да најдат внатре награда. Во последниот експеримент било невозможно животните сами да ја отворат кутијата . Конфузните кози барале помош од луѓето. Покрај тоа погледот им бил елоквентен, ако човекот ги гледа, во споредба со кога бил свртен со грб кон нив.