Најмалку 13 лица денеска се повредени во пожарот кој изби во облакодер во изградба во центарот на Абу Даби, јавуваат локалните медиуми.
Десет повредени се припадници на противпожарните сили и други спасувачки служби, се наведува во соопштението кое го објави државната новинска агенција на Обединетите Арапски емирати „ВАМ“.
Heavy plumes of smoke continue as firefighters struggle to put out the Abu Dhabi fire.
pic.twitter.com/7aemkuIdj3— Sir Arnold Robinson (@uk_expat) August 30, 2016
Пожарникарите, придружувани од хеликоптери, повеќе од два часа се обидувале да го изгаснат пожарот на 28-катницата.
Oчевидците велат облак од црн чад се издигал до горните 20 ката. Тие додаваат дека персоналот задолжен за заштита на граѓаните помагало во евакуација на градежните работници во зградата, како на гостите и персоналот од соседниот луксузен хотел, кој минале без посериозни повреди.
Пожарот во речиси завршената деловна зграда е последен во низата од пет помали пожари во висококатници што се регистрирани во изминатите 18 месеци во Обединетите Арапски Емирати.
Now in Abu Dhabi #AbuDhabi #fire pic.twitter.com/XGu4FVd0Yj
— Mario Bolici (@mariobolici) August 30, 2016