Мерките се насочени против земји или меѓународни организации, кои ја обвинуваат Панама дека олеснувач на даночно затајување
Панамско парламент одобри во вторникот закон за спроведување на мерки против земји кои ја покажуваат како “даночен рај”. Мерките – царински, даночни или имиграциони – се насочени против земји или меѓународни организации, кои ја обвинуваат Панама дека олеснува даночно затајување, или кои им штетат на нејзините трговски интереси. Иницијативата, поддржана од Владата на претседателот Хуан Карлос Варен, беше едногласно одобрена на трето читање во парламентот, каде што мнозинство имаат десноцентристите, и тоа во формата во која беше предложена од увозниците.
Според овој проект, “одмазднички мерки може да се примени за држави, меѓународни организации” или “секој кој предизвикува штета на Република Панама”, објави во понеделникот Адолфо Валдерама од парламентарното мнозинство. Сепак, тој рече дека “политиката на земјата е да не дојде до овие крајности”. “На денот во кој ќе треба да се применува овој закон, тоа ќе биде едно од најтешките одлуки за Панамската влада”, додаде пратеникот .
Проектот беше поднесен откако Франција ја вклучи Панама во листата на даночните засолништа, а потоа царински спор спротивстави земјата на нејзиниот сосед – Колумбија.
Нацрт-законот, кој треба да биде ратификуван од страна на претседателот, има за цел и да ги казни земји, кои ги загрозуваат економските и трговските интереси на Панама. Со оваа законодавна поддршка, Панамската влада ќе може да презема даночни и царински дејства против компании или странски производи, како и да применува миграциски ограничувања во однос на граѓаните на такви земји. Покрај тоа владата ќе може да ги крева даноците на дознаките кон овие земји, и да направи тежок пристап до јавно наддавање во Панама за компании од таквите земји.
Земјата се смета за даночен рај, лик кој беше појачан по објавувањето на “панамските документи” – така беше наречено протекувањето информации, кои открија како панамско адвокатска фирма создава офшор компании во светот, во некои случаи, за да се олесни даночните измами или нелегалната трговија. По избувнувањето на скандалот, властите во Панама беа подложени на тешки критики од Организацијата за економска соработка и развој (ОЕЦД) за тоа дека не реагирала доволно против затајувањето на данок. Според пратеникот Адолфо Валдерама, ОЕЦД, исто така и тие може да станат предмет на санкции. / АФП