Вода на Марс имало многу подолго отколку што се сметаше досега

Американските научници открија дека езерата на Марс се појавиле многу подоцна отколку што се сметаше досега.

Тоа го раскажаа специјалисти од НАСА, кои анализирале податоците од апаратот Mars Reconnaissance Orbiter (MRO). Научниците откриле траги од свежи текови, при што брзината со која водата течела низ долините, е целосно споредлива со брзината на протоците, кои се формираат при топењето на снегот.

Истражувачите се убедени дека водата во течна состојба присуствувала на Марс многу подолго отколку што претходно се мислеше. Се претпоставува дека слични климатски услови можеле целосно да одговараат на условите за појавата и одржување на животот на Црвената планета.

Во моментов во орбитата на Марс има пет станици, три од нив се американски.