Индија ја симна Република Кореја од петтото место меѓу најголемите производители на автомобили. 
Ова го покажуваат податоците за производството во оваа индустрија за првите седум месеци од годината, објавени денеска во весникот “Кореја хералд”.
Според Здружението на корејските автомобило-производители за овој период во Јужна Кореја се произведени 2,55 милиони автомобили, додека од конвејрите во Индија за истиот период излегле 2,77 милиони.
Така за прв пат во последните 12 година Јужна Кореја го губи петтото место. Причините се намалување на извозот и на внатрешната продажба поради штрајкови и повисоки даноци за новите автомобили.
На прво место меѓу производителите на автомобили во светот е Кина – 12,79 милиони автомобили за 7-те месеци од 2016, следен од САД – 7,08 милиони, Јапонија – 5,4 милиони и Германија – 3,62 милиони.